Thursday, September 16, 2010

Real Mast Hindi Shayari

Dhokha, Wafa, Fareb Jamane me rah gye..
Ham Dosti ka farj Nibhane me rah gye...
Jo Sath chale the wo aage nikal gye...
Ham raste ka patthar hatane me rah gye..
================================
Har nadiya ke hothon pe samundar ka tarana hai...
Yhan farhad ke aage sada koi bahana hai...
wahi batein purani thi, wahi kissa purana hai..
tumhare or mere bich me fir se ye zamana hai...
===================================
Jiski dhun par duniya nache, dil aisa ektara hai, 
Jo Hamko bhi pyara hai, jo tumko bhi pyara hai..
Jhum rahi hai sari duniya, jabki hamare geeto par.
Tab kahti ho pyar hua hai, kya ahsan tumhara hai..
==================================
Jo Dharti se Ambar Jode, Uska Naam Muhabbat hai, 
Jo Shishe se Patthar Tode Uska Naam Muhabbat hai.
Katra Katra Sagar tak to, Jati hai Har Umar Magar,
Bahta Dariya Wapas Mode, Uska Naam Muhabbat hai..
===============================
Panahon me Jo Aaya ho, To Us Par War Kya Karna,
Jo Dil Hara Hua ho, Us pe Fir Adhikar kya Karna.
Muhabbat ka Maja to Dubne ke Kashmakash me Hai,
Jo Ho Malum Gahrai, To Dariya Par Kya Karna.. :)
===========================
Basti Basti Ghor Udasi, Parvat Parvat Khalipan.
Man Heera Bemol Bik Gya Ghis Ghis Reeta Chandan..
Es Dharti se Us Ambar Tak, Do hi Chij Gajab Ki hai,
Ek to Tera Bholapan or Ek Mera Deewanapan..
=============================
Tumhare Paas Hoon Lekin Jo Doori Hai Samajhta Hoon,
Tumhare Bin Meri Hasti Adhuri Hai Samajhta Hoon..
Tumhe Mai Bhul Jaunga Ye Mumkin Hai Nahi Lekin,
Tumhi ko Bhulna Sabse Jaruri Hai Samajhta Hoon..
==========================
Ham Fakiron Se Jo Chahe Dua Le Jaye,
Fir Khuda Jane KIdhar Hamko Hawa Le Jaye..
Ham Sare Raah Liye Baithe Hain Chingari,
Jo Bhi Chahe Chiragon Ko Jala Le Jaye..
Ham to Kuchh Dene Ke Kabil Hi Kahan Hain, Lekin Haan.
Koi Chahe to Jine Ki Adaa Le Jaye..
 ===========================
Na Jane Kyun Hame Aanshu Bahana Nahi Aata,
Na Jane Kyun Hale Dil Batana Nahi Aata..
Na Jane Kyun Sab Dost Bichhad Gaye Mujhse,
Shayad Mujhe Hi Sath Nibhana Nahi Aata..
==================================
Kuchh To Jite Hain Jannat Ki Tamanna Lekar,
Kuchh Tamannayen Jina Sikha Deti hai...
Samajh Nahi Aata Kis Tamanna Ke Sahare Jiyen,
Ye Jindagi Roj Ek Tamanna Badha Deti Hai..
=================================
Teri Tamanna Me Es Kadar Khoye The,
Na Jage The Ham Na Soye The..
Puchh Lena Khuda Se Agar Yakin Na Ho,
Teri Aaarju Mein Ham Har Sham Roye The..
=================================
Ajnabi Banke Koi Aaya Tha,
Aisa Lga Jaise Wo Mera Saya Tha.
Log Kahte The Roushani Hai Mere Ghar Me,
Lekin Usne to Dil Me Diya Jalaya Tha..
================================
Kasur Na Unka Hai Na Hamara Hai,
Ham Dono Hi Rishto Ki Rashme Nibhate Rahe..
Wo Dosti Ka Ehsas Jatate Rahe,
Or Ham Muhabbat Ko Dil Me Chhupate Rahe..
===============================
Aapne Apni Aankhon Me Noor Chhupa Rakha Hai,
Hosh Walon Ko Bhi Madhosh Bana Rakha Hai.
Naaz Kaise Na Karoon Aapki Dosti Par,
Mujh Jaise Nacheej Ko Bhi Etna Khas Bana Rakha Hai..
=====================================
Phool Sukh Jate Hain Ek Wakt ke Baad,
Log Badal Jate Hain EK Wakt Ke Baad..
Apni Dosti Bhi Tootegi Ek Wakt Ke Baad,
Lekin Wo Wakt Aayega Meri Maut Ke Baad..
==================================
Ham Dosti Me Had se Gujar Jayenge,
Yah Jindagi Aapke Naam Kar Jayenge..
Aap Roya Karengi Hame Yaad Kar ke,
Aapke Daaman me Ham Etna Pyar Chhor Jayenge..
=====================================
Maa Ke Pyar Ka Ehsaas Hota Hai,
Par Maa Ko Maa Kahne Ka Wakt Nahi..
Sare Rishton ko Ham Maar Chuke,
Or Ab Unhe Dafnane Ka Bhi Wakt Nahi..
===============================
Sare Naam Mobile Me Hai,
Par Dosti ke Liye Wakt Nahi..
Gairon Ki Kya Baat Karein,
Jab Apno Ke Liye Hi Wakt Nahi..
=============================
Unke Jakhm Dene Ka Andaaj Kuchh Aisa Hai,
Jakhm Dekar Puchhti Hai Ab Haal Kaisa Hai..
Ye Samajh Lijiye ki Jahar Deke Kahti Hai Pina Hi Hoga,
Ab Jab Pi Gaye Jahar to Kahti Hai Jeena Hi Hoga...
=======================================
Koi Achha Lage to Us Se Pyar Maat Karna,
Uske Liye Nindein Bekar Maat Karna..
Do Din Aate Hai Ye Log Khushi Se Milne,
Tisre Din Kahte Hai Mera Entjaar Maat Karna..

2 comments:

Bharat Ka Jaykaar Likhoonga

Kalam utha hi li hai ab to, bharat ki jaykar likhoonga! Hundred crore hindustaniyon ka mai to hahakar likhoonga! Rote bilakhte bharat ka ...